کراچی کی نایاب شب دیگ

#Starambassador #CPL #karachi شب دیگ دو الفاظ کا مجموعہ ہے شب معنی رات اور دیگ مطلب بڑاپکانے والا برتن شب دیگ دراصل کشمیری ڈش ہے مگر دہلی کے نوابین اور ان کے خانساماں حضرات نے اس کی نوک پلک کچھ اس طرح سے سنواری کہ یہ دہلی کے دسترخوان کی شان بن گئ گوشت کو مصالحے میں رچانا اور رات بھر گوشت کو کوئلے کی سلگتی ہوئ آ نچ پر پکانے سے اس کھانے میں ذائقہ کی الگ ہی کہانی بن گئ اور اس پر سہاگہ کا کام کیا ہلکی آنچ پر بریاں (تلنا)کئے ہوئے گاجر اور شلجم نے یوں اس کھانے نے دہلی کے دسترخوان پر اپنی جگہ مستقل کر لی تقسیم کے بعد مہاجر آ بادی اس نارد ترکیب کو سینوں میں محفوظ کرکے کراچی میں آ باد ہوئ تو یہ کراچی کے دسترخوان پر ہوں رچ بس گئ گویا یہی اس کا مسکن ہو کراچی میں مختلف کمیونیٹیز ہونے کی وجہ سے کچھ نے اس میں( گشتابہ) کی طرح کوفتے ڈالنا شروع کئے کچھ نے رستہ ( کشمیری ڈش) کی طرح بنائ مگر اردو گھرانوں میں یہ اس ہی ترکیب سے بنتی رہی تو حاضر خدمت ہے یہ اصل کشمیری شب دیگ نہیں مگر مزے دار ضرور ہے